Алайда, кездесу соңғы раундтарда басымдық танытқан солтүстікқазақстандық былғары қолғап шеберінің пайдасына шешілді.
Асылбек Тастүлек – жарысқа қатысушы, СҚО:
– Бүгін аздап қиын болды. Ертең бар күшімді саламын. Мақсатым-турнирде чемпион атану.
Жеңістен үміттілердің қатарында ресейлік Тлеген Жүсіпов те бар. Жасөспірім өз күшіне сенімді. Бокспен шұғылданып жүргеніне 7 жыл болыпты. Сондықтан болар, турнирдегі алғашқы кездесуінде жеңіске жетті.
Тлеген Жүсіпов – жарысқа қатысушы, Омбы, РФ:
– Қарсыласым осал болған жоқ. Алайда, оған жеңіске жету үшін тәжірибем аздау болды, әлі де үлкен дайындық керек деген ойдамын.
Жалпы турнирге Ресей, Қырғызстан мен Қазақстанның түкпір-түкпірінен 120-ға жуық спортшы қатысуда. Олардың 30-дан астамы – солтүстікқазақстандықтар.
Ринат Сейітмұхамбетов – турнирдің бас төрешісі:
– Солтүстікқазақстандық жаттықтырушыларды еске алуға арналған ашық облыстық турнир осымен 4-ші мәрте өткізілуде. Жыл сайын қатысушылардың саны артуда. Биыл жарысқа 120-дай былғары қолғап шебері жиналыпты. Олар 15 салмақ дәрежесі бойынша өзара мықтыны анықтамақ.
Аталмыш турнир облыс орталығында 4 күнге жалғасады. Жеңіс тұғырынан көрінген үздіктер диплом, медаль және естелік сыйлықтармен марапатталмақ.
Эльмира Садвокасова