Аталмыш ведомство теріс ағымға кіріп кеткен азаматтарды оңалтумен де айналысады. Елордалық мейман жастар арасында діни сауаттылықты арттыра түсу керек деді.
Мейрам Иманбаев – Дін істері комитетінің ақпараттық жұмыс басқармасының басшысы:
– Бүгін біз жалпы дін саласындағы басымдықтарды түсіндіреміз.
Айта кетсек, бүгіндері өңірімізде дін мәселелері бойынша түсіндіру жұмыстарын жүргізетін 4 ақпараттық-насихат тобы бар. Оның құрамында 259 адам болса, соның 15-і облыс орталығында жұмыс жасайды.
Руслан Нұрғалиев – Петропавл қаласында дін мәселелерін түсіндіру бойынша ақпараттық-насихат тобының кураторы:
– Біз қала тұрғындары арасында түсіндіру жұмыстарын жүргіземіз. Сондай-ақ, оларға түрлі діни ағымдардың арбауына түсіп қалған адамдар жайлы бейнефильмдер көрсетеміз.
Үстіміздегі жылы осындай ақпараттық топтар 150-ден астам іс-шара ұйымдастырған. Оған 9 мыңға жуық солтүстікқазақстандық қатысыпты.
Тогжан Акмагамбетова