Қазақ Ұлттық би академиясы таланттарды іздейді

МТРА жаңалықтары

13:28 15 Наурыз 2017

Петропавлда үш күн болып, аудандар мен облыс орталығынан 100-ден артық 4-5 сынып оқитын балғындарды байқаған. Нәтижесінде 2 қыз бала ғана кәсіби бишілердің көзіне түсіпті. Оқушының бұрын бимен айналасуы маңызды емес. Бастысы – келбетті, сұңғақ бойлы, сүйегі қатпаған, бойында әртіске тән қасиеттерінің болуы. Аталған талаптарға сай теріскейлік екі бүлдіршінді енді мамыр айында Астанада өтетін түпкілікті іріктеу кезеңі күтіп тұр. Бақтары жанып, өтіп кетсе, Елордадағы Қазақ Ұлттық би академиясының тәрбиеленушісі болып шыға келеді. 8 жыл бойы ақысыз кәсіби білім алады.

Гүлнар Әлиева, Қазақ Ұлттық би академиясының бөлім басшысы, Астана қаласы:

– Өте көп ұл балаларды қарадық. Бойлары ұзын, әдемі. Өкінішке қарай, ешбірінде балетке қажет қабілеттері жоқ. Солтүстік өңірлерде қатты суық ауа райы баланың сүйегіне әсер етеді. Еліміздің әр өңірінен іріктелген балалар мамырда Астанадағы үлкен іріктеу емтиханына келеді. 4-5 сыныпқа 60 бала қабылдаймыз. Түсіп кетсе 8 жыл оқып, дипломын алып шығады. Біздің мақсатымыз – үздік оқу орнында оқуға лайықты нағыз таланттарды анықтау.

Акбопе Танирберген

Бұдан әрі оқыңыз

Өңірде жас мемлекеттік қызметшілердің саны артуда
Сұлулық салондарында санитарлық талаптар сақтала ма?
Мониторингілік топ ЖИТС орталығында болды
7 Мамыр күніне арналған шығарылым
СҚО судьялары азаматтық дауларды сотқа жеткізбей шешуге кеңес береді
Ауылдар гүлденіп жатыр
Шаһар қалай өзгереді?
ХҚКО-лар енді жаңа форматта жұмыс істейді
Мемлекеттік қызмет көрсетудің сапасы
Апаттық ағаштарды кесу жалғасады
Мемлекеттік қызмет істері жөніндегі департамент бұқара үшін ашық
Мемлекеттік сатып алулар – жемқорлыққа қарсы қызметтің бақылауында