12 жасар Нұржанның бокспен айналысып жүргеніне небәрі 2 жыл болыпты.
Нұржан Ұнайбеков – бокстан облыстық БЖСМ тәрбиеленушісі:
– Қарсыласым осал болды. Сондықтан да тез жеңдім деп ойлаймын. Бұл менің 15-ші ойыным. 15 ойынның 12-ін жеңіспен аяқтадым.
Жалпы ұйымдастырылып отырған чемпионатқа облысымыздың 9 ауданы мен Петропавлдың 3 мектебінен 101 жеткіншек жиылған. Олар 18 салмақ дәрежесі бойынша өз араларындағы мықтыны анықтамақ.
Азамат Жақиянов – халықаралық дәрежедегі AIBA төрешісі:
– Бүгінгі облыстық чемпионатта 1-ші және 2-ші орыннан көрінгендер аймақтық чемпионатқа жолдама алады. Ол жарыста жеңімпаз атанғандар өңір намысын Республикада қорғайтын болады.
Атап өту қажет дүбірлі дода 4 күнге жалғаспақ.