Нысан 2015 жылы ең төменгі халықаралық стандарттарға да сай емес деп танылып, сот шешімімен жабылған болатын. Айту керек, изолятор аудандық полиция бөлімі ғимаратының бірінші қабатында орналасқан. Мұнда 12 орынға шақталған 3 камера бар. Сонымен қатар, тергеу және медициналық кабинеті мен азық-түлік тарату бөлмесі де қарастырылған. Бұдан бөлек, демалу алаңы да жабдықталып, көлік шлюзі орналастырылған. Бүгінде изолятордың жөнделуі біраз мәселені шешті дейді мамандар.
Қайролла Нұрышев – Ғ.Мүсірепов аудандық ІІБ бастығының орынбасары:
– Бұрындары тергелушілерді облыс орталығына және көршілес аймаққа таситын едік. Ол үшін біз мамандардың өмірімен тәуекел ететін едік. Енді, міне бұл мәселе де шешімін тапты. Өте қуаныштымыз.
Айсулу Сергали