Владимир – Петропавл және Булаев епархиясының епископы:
– Рождество – барша христиандықтар үшін ізгіліктің белгісі. Бұл күні Вифлеемде жанған жарық әр адамның жүрегін нұрға бөлесін деп тілеймін.
Кейін іс-шара рождестволық концертке ұласты. Сахнада өңіріміздің жезтаңдай әншілері мен мың бұралған бишілері өнер көрсетті. Олар қалың көпшілікке мерекелік ән-жырдан шашу шашты.
Теріскейліктерді өзінің жырымен қуантқандардың қатарында Яна Богова да бар.
Яна Богова – өнерпаз:
– Қазақстандықтарды қасиетті Рождество мерекесімен құттықтаймын. Әрқашан аспанымыз ашық болып, береке бірлікте тұрайық.
Қызылжарлықтар жылы лебіздерін білдіріп, қасиетті мерекемен барша қазақстандықтарды құттықтады.
– Барша солтүстікқазақстандықтарға Рождество мейрамында жақсылық тілеймін. Тек қана тыныштық пен достықтың болғанын қалаймын.
– Православ сеніміндегі христиандарды Рождество мерекесімен құттықтаймын. Денсаулық, бақыт пен береке тілеймін.
Аталмыш мейрам қаңтардың 19-ы Крещение мерекесіне жалғасады.