Номиналы 500 теңгелік шақа “Қазақ вальсі” деп аталады. Күмістің 925 сынамасынан жасалған монетада қазақ би өнерінің ханшайымы Шара Жиенқұлова бейнеленген. Ол 3000 данамен шығарылды. Құны-12 мың 900 теңге тұрады.
Александр Афанасьев – “ҚР Ұлттық банкі” РММ СҚФ касса меңгерушісі:
– Қазақ өнеріне арналған монета айналымға желтоқсанның 27-сі күні шығарылды. Бүгінге дейін 5 шақа сатылды. Ол құнды металлдан жасалынған. Салмағы 31,1 грамм. Формасы – тіктөртбұрышты. Алғаш рет монета мынадай дөңгелек құтымен қапталды. Әрқайсысының 3 тілде жазылған сапа сертификаты бар. Сондай-ақ, бұл монетаны ақшалай 500 теңге ретінде де қолдануға болады.
Айгерим Ержанова