Жарыстың салтанатты ашылуынан кейін көпшіліктің назары ортаға ауды. Мұнда 56 келі салмақ дәрежесінде Алматы облысының өкілі Дархан Бауыржановпен қостанайлық Линар Кудасов күш сынасты. Шаршы алаңның шаңын қаққан споршылар 2 кезең бойы тартысқа толы жек-жекпе ұйымдастырды. Кездесу соңында төрешілер шешімімен Дархан Бауыржанов қарсыласынан ұпай сандары бойынша басым түсті.
Дархан Бауыржанов – жарысқа қатысушы, Алматы облысы:
– Қарсыласым өте мықты болды. Өте көп күш жұмсадым.
Жалпы, дүбірлі додаға еліміздің 13 өңірінін келген 200-ден аса спортшы қатысуда. Олар сайыста 22 салмақ дәрежесі бойынша күш сынасады. Ел біріншілігінде топ жарған өрендер ұлттық құрама сапына алынбақ.
Дамир Манарұлы – жекпе-жектен мемлекеттік жаттықтырушы:
– Жарыста жеңімпаз атанғандар Талдықорған қаласында өтетін Азия кубогында ел намысын қорғайды. Осы сайыста біз үздіктерді іріктеп аламыз.
Петропавлда жасөспірімдер мен жастар арасындағы жекпе-жектен Қазақстан чемпионаты 2 күнге созылады.
Култанов Байболат