Өткен жылы Мамлют ауданында “Дипломмен ауылға” бағдарламасы бойынша 27 жас маман жұмысқа орналасқан.

МТРА жаңалықтары

2:41 22 Сәуір 2016

М.Жұмабаев атындағы гуманитарлық колледжде бастауыш сынып мұғалімі мамандығын меңгерген ол бірден ауылдық мектепке жолдама алыпты.

Әсия Тілегенова – Меңгесер орта мектебінің бастауыш сынып мұғалімі, Мамлют ауданы:

– Мемлекетке біз секілді жас мұғалімдерге қолдау білдіріп жатқандарына ризамыз. Ұстаздық қызмет – бала кезгі арманым болатын. Қазір екінші сыныптың оқушыларына сабақ беремін. Шәкірттерім ақылды, барлығымен тез тіл табысып кеттім. Жұмысқа тұрған алғашқы жылы бір реттік көтермеақы берді.

Жас маман жақында баспана алуға 1 миллион 700 мың теңгенің несиесін ресімдеген. Жалпы “Дипломмен ауылға” мемлекеттік бағдарламасы іске қосылғалы бері Меңгесер орта мектебінің құрамы 2 жас маманмен толығыпты. Өз кезегінде мектеп басшылығы қос мұғалімге тәлімгерлерді бекітіп, әдістемелік көмек көрсетуде.

Шалқыма Кажекова – Меңгесер орта мектебінің директоры, Мамлют ауданы:

– Ұстазы Омарова Гүлнара Еркінқызы жас маманның сабағына қатысып тұрады. Оның қалай сабақ беретіні, түсіндіреді, үй жұмысын қалай орындау керектігін бақылап отырады. Егер қателік жіберсе түзетіп, ақыл-кеңесін айтады. Өз кезегінде жас маман да тәлімгерінің сабақтарына жиі қатысуға міндетті.

Қазір Меңгесер орта мектебінде 138 оқушыға 26 мұғалім сабақ беруде.

Бакыт Садуакасов

Бұдан әрі оқыңыз

Биыл 400-ден астам мемлекеттік қызметші оқытудан өткен
Карантин талаптары бұзылса, қалада қоғамдық көлік қатынауы тоқтатылады
Биыл Ақжар ауданында 21 әлеуметтік маңызы бар нысан жөнделеді
Ғ.Мүсірепов ауданында жөндеу жұмыстары қызу жүргізілуде
ҰБТ-ның үшінші кезеңі 24-ші маусымда бастау алады
Жемқорлыққа қарсы департамент басшысы азаматтардың сұрағына жауап береді
Мемлекеттік қызметшілер ым тілін үйренуде
“Е-gov-тың үздік қолданушысы” байқауы өтті
Арнайы репортаж 06.07.20
Шал ақын ауданының әкімі ауысты
«Үздік ауыл әкімі» байқауы өтуде
Жолдарға жауапты басқармада парақорлық қаупі бар