Ғ.Мүсірепов атындағы облыстық балалар мен жасөспірімдер кітапханасында балалар кітабының апталығы өтуде

МТРА жаңалықтары

2:37 5 Сәуір 2016

Балалар кітабының апталығы аясында мұнда түрлі іс-шаралар ұйымдастырылуда. Мәселен, дәл қазір Н.Крупская атындағы №10 орта мектептің оқушылары облыстық қуыршақ театрының әртістері әзірлеген қойылымдарды тамашалауда.Театр әртістері кішкентай көрермендерді қуыршақтың түрлерімен таныстырды. Әрбірінің қай елде пайда болғандарын айтып, сол кейіпкер басты рөлді сомдайтын ертегінің үзіндісін де көрсетті.

Наталья Гузеева – облыстық қуыршақ театрының әртісі, ҚР Мәдениет қайраткері:


–  Қуыршақтың түр-түрі бар. Біз балаларға барлығын көрсеттік. Мәселен, бойшаң қуыршақ бар. Оның бойы адамдыкімен бірдей болады. Сонымен қатар, Германиядан шыққан марионетка деген қуыршақ бар. Оны әртіс арнайы жіптермен басқарып отырады.

Кейін оқушылар өз өнерлерін ортаға салды. Олар да қолғапты қуыршақтармен ертегілерден үзінді көрсетті. Жалпы бұл іс-шара кішкентай көрермендердің көңілінен шықты.

Маргарита Терекова – Н.Крупская атындағы №10 орта мектеп оқушысы:

– Маған бұл іс-шара ұнады. Қуыршақтар жайлы мол мағлұмат алдым. Әртістердің де ойнағаны ұнады.

Рустам Тәшімов – Н.Крупская атындағы №10 орта мектеп оқушысы:

– Мен өзім кітап оқығанды жақсы көремін. Александр Волковтың «Волшебник Изумрудного города» ертегісі ұнайды.

Бүгінгі шарада театрландырылған көріністерге басымдық берілуі бекер емес. Себебі, балалар кітабының апталығы аясындағы мереке “Театрдың сиқырлы әлемі” деп аталады.

Күлизат Шахатова – кітапханашы:

– Ертең мұнда С.Мұқанов атындағы қазақ сазды-драма театрының әртістері “Алдар көсе” қойылымын көрсетеді.

Балалар кітабының апталығы сәуірдің 8-не дейін жалғасады.

Риат Шони

Бұдан әрі оқыңыз

Солтүстікқазақстандықтар Елбасының алғыс хатымен марапатталды
Қазақстанда “Жас отбасы” ипотекалық бағдарламасы іске қосылды
Ең көп жұмыс орындары – құрылыс саласында
Биыл 400-ден астам мемлекеттік қызметші оқытудан өткен
Биыл Ақжар ауданында 21 әлеуметтік маңызы бар нысан жөнделеді
Желі қолданушысының шағымы
Арнайы репортаж 06.07.20
ҰҰ Әскери институтын биыл 219 офицер тәмамдады
Өңір атынан Сенат депутаттығына үміткер тіркелді
Қызылжар ауданындағы 25 ауылға жарықдиотты шамдар орнатылуда
COVID-19 құрбандарын дәрігерлер де үнсіздікпен еске алды
Судың да сұрауы бар