Солтүстікқазақстандықтар “масленица” мейрамын тойлауда

Қоғам

13:28 11 Наурыз 2016

Қанат Жармағанбетов – Петропавл қаласы мәдениет және тілдерді дамыту бөлімінің бас маманы:

-Бұл мерекенің соңғы күнін біз, наурыздың 13-і Тәуелсіздік стэлласы маңында атап өтеміз. Қызықты ойындар ұйымдастырылады. Жеңімпаздарға арнайы сыйлықтарымыз да бар. Алаңда арзан бағамен тәтті-дәмділер сатылады. Концерт ұйымдастырылады.

Масленица мерекесін тойлаудың өз ерекшеліктері бар. Мәселен, дүйсенбі күні туған-туыстар мен дос-жарандар кездессе, ал сейсенбіде ойындар ойналып, сәрсенбі тәтті тағамдар әзірленеді. Аптаның соңғы күнінде кешірім сұрау басталады. Бұл мейрамды жерлестеріміз де барынша тойлауда.

-Осы апта бойы біз мерекені атап жүрміз. Құймақ пісіріп, бір-бірімізді қонаққа шақырамыз.

-Масленицаны біз асыға күтеміз. Достарымызды шақырып, барлығымыз бірге көктемді қарсы аламыз.

-Бұл біздің ұлттық мереке болмаса да, отбасымызбен бірге жексенбі күні алаңға шығып, тойлаймыз.

Айгерим Ержанова