Оған қаладағы “Большой” жиһаз дүкені қолдау көрсеткен. Осылайша жанашыр жандар туа бітті сал ауруына шалдыққан балғындарға қуаныш сыйламақ болыпты. Акция талабы бойынша тірек-қимыл жүйесі бұзылған науқас балалар Аяз атаға қандай сыйлық алғысы келетіндерін айтып хат жазған. Ұйымдастырушылардың айтуынша, олар көбінесе түрлі жұмсақ ойыншықтарды сұратқан екен.
Сондай-ақ, шара барысында балғындардың көңілдерін көтеру үшін келер жылдың символы – мешін, Ақшақар және мыстан кемпірлердің рөлдерін сомдаған әртістер ертегілік қойылым қойды. Мерекелік дастархан жайылды.
Елена Зырянова – ата-ана:
– “Большой” жиһаз дүкеніне үлкен алғысымды білдіремін. Менің ұлым Жаңа жыл қарсаңында үстелдегі футбол ойыншығын сұратқан. Міне, соған бүгін қолымыз жетіп отыр. Баламның да қуанышында шек жоқ. Мен сияқты ата-аналар да дән риза деп ойлаймын.
Култанов Байболат