Әлішер Әлім даму мүмкіндігі шектеулі балаларға арналған №1 түзету мектеп-интернатында 2-ші сыныпта оқиды. Мерекені үлкен қызығушылықпен тамашалаған ол “осындай шаралар жиі ұйымдастырылса екен”, – деген бала тілегін білдірді.
Әлішер Әлім, Даму мүмкіндігі шектеулі балаларға арналған №1 арнайы түзету мектеп–интернатының оқушысы:
– Бүгінгі шара маған ұнады. сыр салып ойнадық. Балалармен таныстым.
Мұндай қайырымдылық акция бүгіндері еліміздің әр облысында өткізілуде. Ұйымдастырушылардың айтуынша республика көлемінде қолға алынған шараның басты мақсаты – даму мүмкіндігі шектеулі балғындардың бір сәтке болса да көңілін көтеріп, қуаныш сыйлау.
Әсемгүл Есқожа, «Қоғамдық келісім» КММ басшысы:
– Бүгінгі шара елордамызда өтіп жатқан “Керуен” республикалық акциясының аясында өтуде. Балаларға арналып арнайы шоу-бағдарламалар мен тәттіге толы дастархан әзірледік.
Қызыққа толы шараның соңында үлестірілген үлкен тортқа ұл-қыздар ерекше тәбетпен ден қойды.
Акбопе Танирберген