Ендеше Елбасының өмірі мен қызметі кімді болсын қызықтырмай қоймасы анық. Осы екі жұманың ішінде мұнда мектеп оқушылары бастап, колледж бен университет студенттері бас сұққан. Бүгін тарих пен мәдениет ошағының қонақтары – бүлдіршіндер. Қалалық “БЭСТ” гиназиясының 1-ші “ә” сынып оқушылары Нұрсұлтан Назарбаевтың фотосуреттерін тамашалады.
Жалпы мұражай қызметкерлері көрмеге Елбасының бала кезі, отбасылық өмірі және қызметтік жолынан ақпар беретін фотосуреттер қойған. Сондай-ақ, бұл жерде ел астанасының Алматыдан Астанаға ауыстырылуы жөнінде де бірнеше картиналарды байқауға болады.
Айсұлу Сәрсенова – СҚО тарихи-өлкетану мұражайының бөлім қызметкері:
– Осындай шаралар арқылы оқушылар мен студенттер ел тарихы мен президент жөнінде мол мағлұмат алады. Олар өздерінің білімдерінің фотосуреттер мен көрмеге қойылған жәдігерлер арқылы кеңейтпек. Алдағы уақытта мұражайға 30-ға жуық топ оқушылар келеді. Біз оларға қуана қызмет етеміз.
Тұңғыш Президент күніне арналған көрме облыстық тарихи-өлкетану мұражайында желтоқсанның біріне дейін өтеді.
Магжан Ахмадина