Облыс әкімі Қызылжар ауданынада болды

МТРА жаңалықтары

14:03 21 Қазан 2015

Бұдан соң өңір жетекшісі кәсіпкерліктің дүкеніне ат басын бұрды. Сапалы әрі әдемі орындық, үстел, шкафтар көздің жауын алады. Ең бастысы олар шетелден әкелінген емес, өзімізде жасалынған. Мұндағылар жиһаздың 70-ке жуық түрін шығарады. Жуырда жұмсақ корпустық және қуыршақтарға арналған жиһаздар өндірісін іске қосыпты.

Дүкенде болған аймақ басшысы жиһаздардың сапасын байқап көрді. Ыңғайлы әрі әдемі тауарлар сұранысқа ие. Мұнда жасалған өнімдер көршілес Түмен облысына жеткізіледі. Күн сайын ағашты өңдеп, сырлап, одан сапалы жиһаз даярлау үшін мұнда 70-ке жуық адам еңбектенеді. Тапсырыстар саны артқан сайын жұмыс күшіне деген қажеттілік туады. Сондықтан, кәсіпкер қазір станоктарда жұмыс істейтін ұсталар, сырлаушылар, ағаш шеберлері қажет дейді. Бұл ретте облыс әкімі Ерік Сұлтанов тиісті ведомство басшыларына қайта даярлық курстарында осындай қызметкерлерді оқыту қажеттігін айтты.

Бұдан соң өңір жетекшісі ағымдағы жылдың шілде айында Бескөлде қолданысқа берілген дене шынықтыру-сауықтыру кешенінің жұмысымен танысты. Нысан бүгіндері қысқа сақадай сай. Қазір мұнда 36 жаттықтырушы еңбек етеді және 700-ге жуық бала спортпен шұғылданады.

Жанат Елеусізов – Қызылжар ауданының БЖСМ директоры:

-Волейбол, баскетбол, шығыс жекпе-жектері секциялары ашылған. Фитнес залдарын және көркем гимнастика секцияларын ашу ойда бар.

Нақ осындай спорт кешендері өңіріміздің тағы 2 ауданында бар. Қазір тағы мұндай нысан Шал ақын ауданында бой көтеруде.

Магжан Ахмадина

Бұдан әрі оқыңыз

Жемқорлыққа қарсы департамент басшысы азаматтардың сұрағына жауап береді
Жүк тиелген көліктер тексерілді
Кадрлық ауыс-түйіс
Биыл Ақжар ауданында 21 әлеуметтік маңызы бар нысан жөнделеді
Ғ.Мүсірепов ауданында жөндеу жұмыстары қызу жүргізілуде
Мамандандырылған ХҚКО-да жемқорлыққа жол ашық па?
СҚО-ның әлеуметтік-экономикалық даму көрсеткіштері
Солтүстікқазақстандықтар Елбасының алғыс хатымен марапатталды
СҚО-да Армениядан әкелінген 115 автокөлік тіркелді
Облыстық әкімдік бүгін 5 айды қорытындылады
Кәсіпкерлер палатасы жанындағы өңірлік кеңеске мүшелерді сайлау басталды
Энергетиктер қысқа дайындықтарын растаулары тиіс