Артур Молдағұлов – “Нұр Отан” партиясы СҚОФ төрағасының бірінші орынбасары:
– Тәрбиенің барлығы отбасыдан басталады. Онда балғындар үлкендерді сыйлап-құрметтеуге, еңбекті сүю мен білімге деген талпынысты үйренеді. Отан отбасыдан басталады демекші мемлекетіміздің дамуында бұл институттың атқарар рөлі өте зор.
Айнагүл Рәзиеваның 4 немересі бар. Қазіргі уақытта екеуі Астана қаласында тәлім алса, тағы соншасы ақ жаулықты ана өз қолына алып, тәртиелеуде. Жалпы әжейдің қызы “Қызылжар аналары” көпбалалы аналар қауымдастығына” 7 жылдан астам уақыт бойы мүшелік етіп келеді. Ақ жаулықты ана партиялықтардың осындай демеу көрсетіп жатқандығына разы.
Айнагүл Рәзиева:
– Партия өкілдеріне алғысым шексіз. Жыл сайын қолдау көрсетіп отырады.
Бүгін Нұр отаннан сыйлық алғандардың бірі Қаламқас Серікбай. Жеткіншек Петропавл қаласындағы 42-ші орта мектепте 7-сыныпта оқиды екен. Тарту-таралғы оқушының көңілінен шықты.
Қаламқас Серікбай:
– Мен бүгін сыйлық алғаныма өте қуаныштымын. Енді үш күн бойы саябақтағы әткеншектерді тебе аламын.
Жалпы кездесуде 10 балаға сыйлық табысталды.
Риат Шони