Бұл мақсатта қор өкілдері Шаталов ескерткіші маңындағы алаңға қаражат салатын жәшік орнатты. Бұл маңайдан өткен тұрғындардың көңілін аудару үшін, еріктілер тобы би флешмобын да ұйымдастырған. Сондай-ақ, осы жерде қайырымдылық лотореясы ойнатылды. Ұтыс билетінің құны – 100 теңгені құрады. Айта кеткен жөн, бұл шара “Мен мейірімділік” марафонының аясында өткізіліп отыр.
Наталья Сапченко, «ОРиДИ» ҚБ үйлестірушісі:
-Қайырымдылық шарасы – “балаларға кино сыйла”, “Арман сыйла” сынды бірнеше акциядан тұрады. Оған қоса тамыздың 30-ы ірі көлемдегі ақтық жүгіру шарасы өтеді. Біз оған қала тұрғындары мен қонақтарын міндетте түрде қатысуға шақырамыз. Сондай-ақ, еріктілер тобы балаларға көмек қолын созуда белсенділік танытса дейміз. Бұл күні үлкен концерт ұйымдастырылып, сыйлықтар ойнатылады.
Акбопе Танирберген