Бұндай заманауи субұрқақты орнату ұсынысын облыс әкімі Ерік Сұлтанов жасаған болатын. Нысанның жобасын “Апаттан құтқарушы қызметі” өндірістік кооперативінің мамандары әзірлеп, жүзеге асырған. Бұл олардың осындай алғашқы тәжірбиесі.
Юрий Бацанов – “Апаттан құтқарушы қызметі” ӨК директоры.
-Астана күні қарсаңында, теріскейліктерге сый тартпақ ниетпен, “Дельфин” су бұрқағын жөндеуден өткіздік. Жалпы, барлық жұмысты 1 ай ішінде тындырдық. Бұл фонтан, түрлі түсті көрініс көрсетіп қана қоймай, музыкалық сүйемелдеу қарастырылған. Барлық қажетті құрылғылар Германиядан әкелінді.
Бас қаламыз – Астана күніне орай ашылған керемет субұрқақ солтүстікқазақстандықтардың шын көңілінен шықты.
-Қаламыз үшін, бұл жаңашылдық өте жақсы. Маған бұл субұрқақ ұнады.
-Бұл субұрқақ көңілімнен шықты, түрлі түсті жарықтар әдемі көрініс көрсетеді екен.
Айта кеткен жөн, бұл жобаға қала бюджетінен 30 миллион теңге бөлінген.
Сагыныш Маркашева.