Қазақстандық аграрийлерге көктемгі дала жұмыстарына ел қазынасынан 7,5 миллиард теңге бағытталды

Ауыл шаруашылығы

15:54 6 Мамыр 2015

Рустам Жанатаев , “Азық-түлік келісім шарт корпорациясы” ҰК” АҚ СҚО өкілдігінің директоры

– “Форвордтық сатып алу” бағдарламасы бойынша ауылшаруашылығы тауар өндірушілеріне гектарына 6 мың теңге төленді. Олар мемлекеттен алған қарызын бидаймен қайтарады. 3-сұрыпты бидайдың бағасы күзде белгілі болады. Айта кетейін, өнімнің құны нарықтың бағасымен теңестіріледі”.

“Форвордтық сатып алу” бағдарламасына ілікпей қалған қазақстандық аграрилерге “Азық-түлік келісім шарт корпорациясы” ҰК” басқа қаржыландыру тетігін ұсынып отыр. Бұл мақсатқа ел қазынасынан 3,5 млрд. тг. бағытталды. Мұнда қарызды беру шарты басқаша. Яғни, ауылшаруашылығы тауарөндірушілері несие алу үшін 2-ші деңгейлі банктің кепілдігін ұсынуы қажет.

Рустам Жанатаев , “Азық-түлік келісім шарт корпорациясы” ҰК” АҚ СҚО өкілдігінің директоры

– Бұл бағыт бойынша да өңір диқандары қарызын 3 сұрыпты бидаймен қайтарады. Егер күзде бидайдың құны 20 мың теңгеден жоғары болса, онда азық-түлік келісім-шарт корпорациясы өнімді тапсырушыға үстеме ақы төлейді.

Айта кету қажет, өңір аграрийлері қарызды үстіміздегі жылдың қараша айына дейін қайтаруы тиіс.

Берик Касен.

Бұдан әрі оқыңыз

Тұқымдарды тексеру барысы
Диқандарға еуропалық ауыл шаруашылығы техникасы таныстырылды
Солтүстікқазақстандық кәсіпкер малды тірідей экспорттауға қарсы
Өңір диқандары көктемгі қауырт жұмыстарына әзірлік үстінде