Аман Қабдөшев – СҚО тұрғын үй-коммуналдық шаруашылығы және энергетика басқармасы басшысының орынбасары
– Біз табиғи апаттан зардап шеккендерге көмек ретінде 50 тоннаға жуық азық-түлік жібермекпіз. Бүгін 7 Камаз жолға шығады.
Табиғат апатының салдарынан қиындыққа тап болған қарағандылықтардың қайғысына Есіл, Айыртау, Тайынша және Ғабит Мүсірепов аудандарының тұрғындары да бей-жай қарап қалмаған. Жанашыр жұрт қажетті азық пен тұрмыстық заттарды санаулы күндердің ішінде жинап берді.
Азамат Түсіпбеков – Айыртау аудандық санитарлық-эпидемиологиялық сараптау орталығының директоры
– Киім-кешектің өзі 800 мың теңгеге алынды, жуғыш құралдарды алуға 300 мың теңге қаражат жұмсалды. Қарағандылықтар жалғыз емес, оларға көмектесер отандастары бар.
Қарағанды облысында орын алған табиғи апаттың салдарынан бірнеше елді-мекен су астында қалды. Бүгінде гуманитарлық көмекке зәру аймаққа еліміздің барлық өңірлерінен жолданған жәрдем жетіп жатыр.
Риат Шони.