Қазан айы күздің қара суығымен танылады

Әр түрлі

14:12 2 Қазан 2014

-Менің ойымша бұл айда ауа райы жылы болады. Өйткені суық күндерден шаршадық.

-Бұл ай суық болады. Себебі күн бүлініп барады. Жауындарда көп жауатын болады.

-Қазан жылы болады. Жылы күндердің көп болғанын қалаймын.

Ал синоптиктердің болжамы бойынша, бірінші онкүндіктің екінші жартысында түнде ауа температурасы 0..5, кей жерлерде 8 аязға дейін суытады. Күндіз сынап бағанасы 3..8 градус жылылықты кей жерлерде 0 градусты көрсетеді. Бүкіл қазан айы бойы ауаның орташа температурасы климаттық нормаға сай 2…3 градус жылы болады. Сонымен қатар жауын-шашын да нормаға сай 23…37 мм шамасында жауады деп күтілуде.

Татьяна Марьина – “Қазгидромет” РМК СҚОФ метеорологиялық болжау бөлімінің инженер-синоптигі.

-Бірінші онкүндіктің басында кей жерлерде тұман мен жауын болуы мүмкін. Екінші және үшінші онкүндіктерде жауын-шашын жиі жауады. Осы ай бойына батыстан соғатын желдің екпіні 15-20 метр-секундқа дейін жетеді.

Десе де, екінші онкүндіктің соңында ауа райы жылынуы мүмкін. Тарихқа үңілетін болсақ қазан айында ең соңғы рет 1997 жылы ауа температурасы +26 болған, ал ең суық күн ретінде 1940 жылдың 31 қазаны тарихта қалды. Онда сынап бағанасы -25 градусты көрсетіпті.

-Қазан – күздің екінші айы. Бұл айда ауа райы алдамшы болады. Сол орайда солтүстікқазақстандықтарға жылырақ киіну керек. Сонымен қатар бас киімді де ұмытпаған жөн.

Риат Шони.

Бұдан әрі оқыңыз

Қазақстандықтар желтоқсанда 12 күн демалады
Жерлесіміз халықаралық сұлулық байқауына қатысады
Қалада тағы бір “Шығыс кілемдер” салоны ашылды
Аспандағы тылсым құбылыс