Тамыз айы құбылмалы болады

Әр түрлі

14:21 4 Тамыз 2014

–  Шілденің жауынынан шаршадық. Тамыздан ыстықты күтеміз.

– Тамыз ыстық болады деп үміттенемін. Жастар кешке көбірек серуендейді. Жылы ауа райы бәрімізге керек.

Синоптиктердің болжамы бойынша тамыз айының басында түнде ауа температурасының тұрақсыздығы байқалмақ. Түнде сынап бағанасы 11-16 градус жылылықтан 6-11 градусқа дейін түсуі мүмкін.

Елена Милентьева – “Қазгидромет” РМК СҚОФ инженер-синоптигі

– Екінші онкүндіктің басында түнде ауа температурасы 16-21 градус, ал күндіз 23-28 градус жылылықты көрсетеді.

Үшінші онкүндіктің басында ауа температурасы түнде 6-11, күндіз 18-23 градус жылулықты көрсетеді. Одан кейін күн ысып, ауа температурасы 30, кейбір жерлерде тіпті 35-ке дейін жетуі мүмкін.
Тарихқа үңілсек, тамыз айындағы ең төменгі көрсеткіш -1 градус 1971 жылы осы айдың 26-шы жұлдызында тіркелген. Ал, осы жолы жылы жаз айының соңында ауа температурасы түнде 3-8 градусқа дейін түседі. Күндізгі уақытта 20 градус жылулықты көрсетеді.

Ағымдағы жылы саңырауқұлақ теруді сүйетін жандардың қуанышына орай жауын-шашын да нормаға сай жауады деп күтілуде. Күн күркіреп, желдің екпіні 15-25 метрге жетуі мүмкін.
Айдың соңында кешке қарай күн суытады. Сол себепті де серуендеуге шығар алдында жылы киінген абзал.

Риат Шони.

Бұдан әрі оқыңыз

Өңірдегі көлдерді ауаландыру жұмыстары
Петропавлда “Эталон меха” көрмесі өтуде
СҚО-да 19 гидробекет жұмыс істеуде