Екатерина Литвинова – көрменің әкімгері
– Бұл көрмеде 3d форматындағы 15 сурет қойылған. Ерекше туындылардың авторлары – ресейлік суретшілер. Бірі – Барнауыл, екіншісі Новосібір қаласының өнер иелері. Шеберлердің қолынан шыққан картиналар шетелдік көрмелерде де жайғастырылған.
3d суреттерге мультфильм кейіпкерлері мен жан-жануарлар арқау болған. Ерекше форматтағы өнер туындыларына балалар да ересектер де қызығушылық танытуда.
Алексей Березин – көрмені тамашалаушы
– Мен 3d форматтағы суреттер көрмесіне алғаш келіп тұрмын. Картиналар қызықты етіп салынған. Сондықтан өзіміз осы туындаларды толықтырып, суретке түсіп үлгердік.
Бірегей форматтағы картиналар көрмесін солтүстікқазақстандықтар маусымның 20-нан шілденің 20-сына дейін тамашалай алады.
Бақыт Сәдуақасов.