Маусымның 2-сінен ҰБТ басталады

Білім

14:47 28 Мамыр 2014

Соңғы қоңырау соғылған соң оқушылар үшін ең ғажап кезең – жазғы демалыс маусымы басталады. Ал оқу ордасын тәмамдаған түлектерге демалыстың ауылы әлі алыс. Өйткені олар 11 жыл бойы алған білімдерін ҰБТ-да дәлелдеуі қажет. Сондықтан қазір емтиханға соңғы дайындық жүріп жатыр. Биыл мектеп бітіруші түлектер саны – 4059. Солардың 2602-сі сынаққа қатыспақ.

Шекер Жандосова, СҚО білім басқармасының бас маманы:

-Оның 889-ы қазақ тілінде тапсырса, 1713-і орыс тілінде береді. «Алтын белгіге» үміткерлер саны биыл облыста 128. Ал ерекше белгідегі аттестатқа үміткерлер саны 78.

Биыл өңір түлектері маусымның 2-сі мен 6-сы аралығында ҰБТ тапсырады. Ең алдымен сынақтан петропавлдық оқушылар өтсе, соңғы болып өз білімін Ақжар ауданының шәкірттері көрсетпек. Қазіргі күні түлектер сынақ беретін 8 пункт маңызды іске сақадай сайланды.

Шекер Жандосова,СҚО білім басқармасының бас маманы:

-Жоспарлы түрде барлық ҰБТ тапсыратын пункттер дайын. Балаларды автотранспортпен тасымалдау, тамақтандыру және жататын орындары барлығы да дайын.

Басты емтихан тапсырудың ережелері өзгеріс тапқан жоқ. Түлектер бұрынғыдай 5 пән бойынша білімдерін сынайды. Ал ЖОО-ға түсу үшін жалпы ұпай саны 50 баллдан кем болмауы қажет.

Мағжан Ахмадина

Бұдан әрі оқыңыз

Қос түлек республикалық сайыста үздік атанған
Студенттер онлайн режимде емтихан тапсыруда
Соңғы қоңырау онлайн режимде өтті
“Өрлеу” орталығының мамандары вебинар өткізіп жатыр
Уәлиханов ауданында 4 мектеп жөнделуде
“Үздік педагог” республикалық байқауы қашықтықтан өтіп жатыр
Облыс әкімдігінің отырысы
Петропавлда 6 мектепке күрделі жөндеу жүргізіледі
Білім беру ұйымдары жұмыстарын қайта бастайды
Мұғалімдерді заңсыз жұмыс істеткендер жазаланады