Бұзақылар екі жылға бас бостандығынан айырылуы мүмкін

Құқық қорғау органдары

15:26 28 Сәуір 2014

Шам бағанасын қалалық саябақта серуендеп жүрген 3 бозбала жұлып алған. Айыптылардың айтуларынша, олар көңіл көтеру үшін жарықтандыру құралын оңды-солды шайқаған. Аспалы шамға кигізілген қақпақтар да жерге құлап, жарамсыз болып қалыпты.

Күдікті:

-Достарыммен кездестім. Біз ащы судан ұрттап, кейін саябаққа қыдыруға барған болатынбыз. Онда бірнеше шамдарды зақымдап, орындықтарды аударып кеттік.

Көп ұзамай қолға түскен бұзақылар ешқайда шықпау туралы қолхатпен босатылды. Оларға қатысты қылмыстық іс қозғалып, тергеу амалдары жүргізілуде. Жылдың жайма-шуақ уағында вандализм әрекеттері жиілей түсетіндіктен, құқық қорғаушылар қоғамдық орындардағы қауіпсіздік шараларын күшейтеді.

Сайран Саркенов, Петропавл қаласының ІІБ әкімшілік полиция бөлімі басшысының орынбасары:

-Петропавл қаласы ІІБ басшылығы жаз уақытында қоғамдық қауіпсіздікті күшейту тапсырмасын қойды. Әсіресе түнгі уақытта қалалық саябақтағы қоғамдық қауіпсіздікті қатаң бақылауда ұстайтын боламыз.

Күдіктілер бұзақылық жасағандары үшін 200 АЕК-тен 500 АЕК-ке дейін айыппұл төлейді немесе 2 жылға дейін бас бостандықтарынан айырылуы мүмкін.

Бақыт Сәдуақасов

Бұдан әрі оқыңыз

Қала тұрғыны карантин кезінде дүркіретіп туған күнін тойлаған
СҚО-да жыл басынан 60 мыңға жуық құқық бұзушылық тіркелген
Петропавлда жол-көлік апаты орын алды
СҚО-да мас күйде көлік жүргізген 19 адам құрықталған
38 жастағы алаяқ құрықталды
Қоғамдық тамақтану орындарының жұмысы – қатаң бақылауда
СҚО-да жол-көлік оқиғасынан 2 адам қаза тапты
2 қала тұрғыны ұрыларды ұстауға көмектескен
Полицейлер тұрғынға ұрланған велосипедін тауып берді
Мотоцикл жүргізушілері жауапкершілікке тартылды
Автобустар мен сауда орындарындағы ереженің еленуі тексерілді
Петропавлда металл ұрлағандар анықталды