Петропавлдағы Қазақ мектеп-гимназиясында үй жануарларының көрмесі өтті

Қоғам

15:02 23 Сәуір 2014

Қазақ мектеп-гимназиясында бүгін түстен кейін оқушы біткеннің көңілі үзіліс кезінде жұдырықтай ғана жануарларға ауды. Олар – қос тотықұс, қос тасбақа мен бұғып жатқан сүйкімді Сібір мысығы. Көрмеге қойылған жануарлар санаулы болғанымен әркім өзінің үйдегі сүйікті деген кішкентай досын әкелген екен.

Міне, мына тотықұстың аты – Кеша. Томиристің айтуынша, қанатты серігі сорпа ішіп, алма жеп, шекілдеуік шаққанды ұнатады екен.

Ал, Әділ Мәкішке тотықұсын Жаңа жылға ата-анасы сыйлапты. 2 жылдың ішінде қанатты досыма әбден бауыр басып қалдым дейді. Құс жайлы ақпарат жинау бойынша біраз ізденген екен.

Меруерт Байматтың тасбақасын балалар біраз қызықтады. Асты жұмсақ әрі жайлы, алдында – орамжапырақ. Оған жасалған жағдайға қарап Меруерттің әжесімен бірге тасбақаны ерекше күтетіні көрініп тұр. Тасбақаны жуындырып, уақытымен тамақтандыруға кішкентай сіңлісі Айзада да көмектеседі екен. Тіпті, өзі бағып-қағатын тасбақа туралы, мынадай плакат жасап әкеліпті.

Ал, мына Маришка есімді Сібір мысығы мектепке екінші рет келіп отырғанымен қатты жатырқауда. Тіпті, сөмкенің ішіне қайта-қайта тығылып, балалардың сипағанына сыр берер емес.

Қазақ мектеп-гимназиясы мұғалімдерінің айтуынша мұндай шаралардың тәрбиелік маңызы бар. Мектепте мұндай шаралар дәстүрлі түрде ұйымдастырылмақшы.

Данаш Хамзина

Бұдан әрі оқыңыз

Пресновка абаттандырылып жатыр
Вокзал маңындағы жатақхана жөнделіп жатыр
3 күн ішінде – 74 құқықбұзушылық
Тамыз айында қанша күн дем аламыз
Сыбайлас жемқорлыққа қарсы қызмет өкілдері тексеріс жұмыстарын жалғастыруда
Құтқарушылар өзен-көлдерде рейд өткізді
Маусымдағы ең төменгі күнкөріс деңгейі 32 224 теңгені құрады
“Жақсылық жаршысы” атты республикалық акция басталды
Жұма және демалыс күндері дыбыстық хабар таратылады
Өңірде көмір тапшылығы жоқ
Қазақстандықтар онлайн түрде құрбандық шала алады
Құрбандықты онлайн шалуға 20-дан астам адам өтініш берген