Синоптиктер сәуірдегі орташа ауа температурасы жылдағы нормадан 1 градус жоғары болады деп отыр. Алғашқы онкүндікте күндіз ауа 3-15 градусқа дейін жылынады, ал түнде сынап бағанасы -5 градусқа дейін төмендеуі мүмкін. Синоптиктер сәуірдегі орташа ауа температурасы жылдағы нормадан 1 градус жоғары болады деп отыр. Алғашқы онкүндікте күндіз ауа 3-15 градусқа дейін жылынады, ал түнде сынап бағанасы -5 градусқа дейін төмендеуі мүмкін.
Талғат Жұманов, Солтүстік Қазақстан гидрометеорология орталығының инженер-синоптигі:
-Екінші онкүндіктің басында ауа температурасы түнде 5-10 градусқа дейін жылыса, күндіз 17-22, кей жерлерде 27 градусқа жетеді. Сосын түнгі уақытта 0-5, күндіз 11-16, кей жерлерде 6 градус жылы болады деп күтілуде.
Ал үшінші онкүндікте ауа температурасы түнде 2 градус суықтық пен 8 градус жылылық аралағында, ал күндіз +5-тен +15-ке дейін ауытқиды, кей жерлерде тіпті 20 градусқа дейін ысиды. Жалпы сәуір айында ауа райы тұрақсыздығымен ерекшеленеді. Мәселен, ең жоғары температура +31 градус 1982 жылы сәуірдің 30-да тіркелсе, 1963 жылы сәуірдің бірінде сынап бағанасы – 26 градусты көрсеткен.
Талғат Жұманов, Солтүстік Қазақстан гидрометеорология орталығының инженер-синоптигі:
– Сәуірдегі ылғал нормадан асады, кей жерлерде жиі-жиі жаңбыр жауады, екінші онкүндікте күн күркіреуі мүмкін. Ай соңында бұршақ жауады деп болжанып отыр. .