Көктемгі су тасқыны басталды

Аптадағы маңызды жаңалықтар

16:28 27 Наурыз 2014

Мағжан Ахмадина, тілші:

-Мына үйлер аралда қалған сыңайлы. Кірсең шыға алмайсың, шықсаң кіре алмайсың. Айнала қоршаған су. Тіпті көмекке келген ауыр техниканың өзі батып қалып жатыр.

Алғашында тұрғындар еріген қар суымен өздері арпалысыпты. Бұл әрекеттерінен нәтиже шықпаған соң, құтқарушыларды шақырған. Бірақ екі күннен бері төбе көрсетпеген олар бүгін ғана жағдай ушыққанда келіп отыр. Қазір су үй ішіне кірген. Копченовалар отбасы түні бойы баспаналарынан 50 шелек су шығарыпты.

Анна Копченова,К.Сүтішев көшесіндегі 22-ші үй тұрғыны, Қызылжар ауданы, Бескөл ауылы:

– Біз бұл үйді әпкеміз екеуіміз жалдап тұрып жатырмыз. Әрине осындай боларын білсек, кірмес едік қой. 3 бала бар, кішкентайы 10 айлық. Қазір баспана ішінде етікпен жүруге ғана болады. Өйткені суық. Барлығы ауырып жатыр.

Белуардан келетін су жолды да шайып жіберген. Резеңке етік болмаса, қарыс қадам жасау мүмкін емес.

Алмас Әбілқайыров,Қызылжар аудандық төтенше жағдайлар бөлімінің басшысы:

-Бүгін жағдайды реттеуді көздеп отырмыз. Ол үшін арнайы техника жұмылдырылған. 10 шақты қызметкер апатты ауыздықтауға ат салысуда. Қазір жыра ойып, суды әрі қарай ағызып жібермекпіз. Аудан жаңадан салынып жатыр. Сондықтан инфрақұрылымы әрі мардымсыз. Жолдар салынбаған, суағарлар жоқ. Сол себепті осындай жағдай орын алып отыр.

Қазір арнайы техника көшедегі суды сорып, баспаналар маңына инерттік материалдар шашылуда.

Мағжан Ахмадина

Бұдан әрі оқыңыз

Карантин қатаңдатылды
Өңірде қарантин ережелері тағы бір мәрте қатаңдатылды
Ғ.Мүсірепов ауданында биыл 234 км жол жөнделеді
Жерлестерімізге Мемлекет басшысының медалі табысталды
Шал ақын ауданының әкімі ауысты
Облыс әкімі жұмыс сапарымен Уәлиханов ауданында болды
900 орынға арналған қазақ мектебі жыл соңында тапсырылады
Демалыс күндері карантин қағидалары күшейтіледі
Тәртіп сақшыларына қызметтік көліктер тапсырылды
Аймақ басшысы алыс ауылдардағы ағайынның базынасын тыңдады
Өңірде тағы 6 адамнан коронавирус табылды
Жергілікті “Нубаев шұжықтары” өнімдеріне сұраныс жоғары