Олипиаданың тапсырмалары визиткамен өнер көрсету және жасақтық ән айту, залға жиналғандармен ойын өткізіп, педагогикалық сұрақтарды шешу болып табылды. Сонымен қатар наурыздың 13-і мен 15-і аралығында өткен слет бағдарламасы ауқымды болған. Шеберлік сыныбы, дөңгелек үстел, тренингтер өткізіліпті. Республикалық қазылар алқасы М.Жұмабаев атындағы гуманитарлық колледждің 8 студентінен жасақталған құраманың өнерін жоғары бағалап, сыйлық ретінде “Балдәурен” лагерінде тәрбиеші болып жұмыс істеуге ұсыныс жасаған. Енді, олимпиада жеңімпаздары еңбек жолдарын жазғы оқу практикасында бастамақ.
Бану Ахметова