Халықаралық турнирде Қазақстан намысын 32 спортшы қорғаған болатын. Соның ішінде жерлесіміз Сергей Харламов ұзындыққа секіру бойынша үздік үштікті қорытындылаған. Оның көрсеткіші 4 метр 73 см. 100 және 200 метрге жүгіру бойынша спортшы 2-ші орыннан көрінген. Спортшының жаттықтырушысы Елена Похомованың айтуынша, жыл сайын Сергей өз нәтижесін жақсартуда, жүлде саны да артып келеді екен.
Елена Пахомова, «Үміт» спорттық клубының жаттықтырушысы:
-Биылғы халықаралық жарыста ұлттық құрама сапында бір жерлесіміз Сергей Харламов болды. Ол қашықтыққа жүгіруде екі күміс медальға қол жеткізді, ал ұзындыққа секіруде спортшы 3-орынға ие болды. Осылайша Сергей халықаралық аренадағы көрсеткіштерін еселей түсті.
Бану Ахметова