Аквапарк соңғы технологияларды қолдана отырып салынған және барлық заманауи талаптарға толығымен сәйкес келеді. Мұнда бес бірдей бассейн бар. Тұрғындар құрылысына, көлеміне, тереңдігіне қарай қалағанын таңдай алады. Ал, су күндіз-түні кәдімгі ас тұзының химиялық реакцияға ұшырауы нәтижесінде алынған “аналит” деп аталатын затпен тазаланады. Айына сонда залалсыздандыру үшін 1 тонна тұз кетеді екен. Бұл тиімді әрі адам денсаулығы үшін еш зияны жоқ жүйені ойластырған – Алматы қаласының академигі Георгий Билетков. Кешеннің бас директоры Сергей Леонтьев Самат Ескендіровке спорттық залды да көрсетті. Мұнда 70-ке жуық жаттығу құрылғысы орнатылған. Спортты сүйген солтүстікқазақстандықтар мұнда да шынығып жатыр.
Данаш Хамзина