Баланы соғып кеткен жүргізуші табылды

Құқық қорғау органдары

16:23 10 Қаңтар 2014

Оқыс оқиға 8 қаңтар кешкі сағат 5 шамасында Петропавлдың Жұмысшы кентіндегі Зоя Космодемьянская көшесінің бойында орын алды. Суға бара жатқан 11 жасар баланың кенеттен мұзға аяғы тайып, жолда келе жатқан «Газель» автокөлігінің астына түседі. Оқушының айтуынша орта жастағы ер адам көліктен шыға сала ауруханаға апару керектігін айтады. Бірақ, бала медициналық көмектен бас тартқасын, жүргізуші өз жөнімен кете барған. Алайда, көп ұзамай, оқушының аяғындағы жарақаттары сыр беріп, бала облыстық балалар ауруханасына жатқызылды.

Жол-патрульдік полиция қызметкерлері жүргізген жедел-іздестіру шараларының барысында оқиғаға қатысты жүргізуші ұсталды. Ер адам жол-көлік апатын мойындап отыр. Қазіргі уақытта аталған факті бойынша тергеу амалдары жүргізіліп, әкімшілік сотқа тапсыру үшін материал жинастырылуда.

Өткен жылдың 12 айында облыс жолдарында балалардың қатысуымен 56 жол-көлік апаты орын алған. Салдарынан 3 бала көз жұмса, 60-сы түрлі дене жарақаттарын алған.

Самат Есмағи

Бұдан әрі оқыңыз

Терезелерді шағып кеткен бұзақы қолға түсті
Петропавлда қозғалыс үстіндегі “Уаз” автокөлігі жанып кетті
Армения мен Қырғызстаннан әкелінген көліктер тіркелуі тиіс
Интернет-дүкен арқылы есірткі сатқан
Жаңажылдық түнде Петропавлда ауыр қылмыстар орын алмады
Қылмыстың бірқатар түрі үшін жаза қатаңдатылды
Петропавлда 52 жастағы ер адам жоғарғы қабаттан секіріп кетті
Петропавлда қиыршық тас тиелген жүк көлігі аударылып қалды
Рөлге масаң күйде отырған ер адам жауапкершілікке тартылды
Тұяқты аңды аулаған азамат ұсталды
Полицейге кәсіпкер қызметтік үй берді
Масаң күйде көлік басқаратындарға жаза күшейтілді