31 желтоқсанда Петропавлда ауа райы жылы болады дейді өңір синоптиктері. Түнде сынап бағанасы 10-18, күндіз 5-10 градус нөлден төмен болады. Кей жерлерде 13 градус аязды көрсетеді. Қаңтардың алғашқы күні де өңір тұрғындарын шуағымен қуантпақ.
Гүлзат Ғазизова, “Қазгидромет» РМК СҚО бойынша филиалының метеорологиялық болжау бөлімінің басшысы:
-Болжам бойынша 31 желтоқсаннан 1 қаңтарға дейін облыс бойынша кей жерлерде аздаған қар, тұман. Жел батыстан, оңтүстік-батыстан 9-14. кей жерлерде 15-20 м-с.
Жерлестеріміз жаңа жылдан жаңа табыстар күтеді. Табалдырықтан аттайтын жылқы жылының алғашқы күндері жайма-шуақ мінезімен қуантады деген сенімде.
– Жылы болады.
– Жылы болады деп ойлаймын.
Тарихқа үңілсек, ең аязды жаңа жыл осыдан тура 34 жыл бұрын 31 желтоқсаннан қаңтардың біріне қараған күні тіркеліпті. Онда сынап бағанасы -42 градусты көрсеткен. Ал, биылғы жылы Жаңа жыл мерекесінде ауа райы былтырғыға ұқсас болатынын айтуда синоптиткер.
Бану Ахметова