“Қолжетімді баспана” және “Жұмыспен қамтудың жол картасы” бағдарламаларының жүзеге асырылу барысы

Қоғам

14:23 13 Тамыз 2013

Петропавлда «Қолжетімді баспана-2020» бағдарламасы бойынша 14 үй салынып жатыр. Бұл 710 отбасыны баспанамен қамтуға септеспек. Бұлардағы құрылыстың барысын 4 партиялық бақылау бекеті қадағалайды.

Сайран Хамзин, “Нұр Отан” ХДП СҚОФ партиялық бақылау комиссиясы төрағасының орынбасары:

– «Береке» ауданында жас отбасыларға арналған 7 үй тұрғызылуда. Жүргізілген тексеріс жұмыстарының нәтижесінде құрылыстың кестеден сәл кешігуін байқадық. Кейбір материал мен құрал-жабдықтың жетіспейтіндігін анықтадық.

Жас отбасыларға салынып жатқан үйлер ағымдағы жылдың күзінде тапсырылуы керек болатын. Алайда, оларды қолданысқа беру уақыты кейінге шегеріліп отыр.

Қайролла Галеев, Петропавл қаласы әкімінің орынбасары:

– Уақытында қаржыландырылмағандықтан үйлерді тапсыру 2014- ға шегерілді. Енді, қазір құрылыс қарқынды жүріп жатыр.

Комиссия мүшелері алдағы уақытта мұндай олқылықтарды жібермей, бақылауды күшейту керектігін айтты. Өйткені, өңірімізде баспана кезегінде тұрғандардың саны 8 мыңнан асады. Жиында «Жұмыспен қамтудың жол картасы» бағдарламасының орындалу барысы да талқыланды. Қолға алынған екі жылдың ішінде жобаға 6 мыңнан астам адам қатысқан.

Асқар Сақыпкереев, СҚО жұмыспен қамту және әлеуметтік бағдарламаларды үйлестіру басқармасының басшысы:

– 2012 жылы бағдарламаға қатысып, арнайы даярлықтан өткен 1574 адамның 1283-і тұрақты жұмыс орындарына ие болды. Бұл 81,5 пайызды құрап отыр. Әлеуметтік жұмыс орындарымен 1939 адам қамтылған.

Бағдарлама арқасында өңірдегі жұмыссыздар саны 5,8 пайыздан 5,2-ге дейін қысқарып отыр. Онымен қоса 2013 жылы облысымыздың 7 ауданында 82 пәтерлі 60 үй салынбақ. Бұл мақсатқа республикалық бюджеттен 514,8 млн.теңге бөлінген. Партиялық бақылау комиссиясы бұл жобаның да іске асырылуын өз қадағалауына алды.

Мағжан Ахмадина

Бұдан әрі оқыңыз

Шаһарда ханшайымдар байқауы өтті
Балаларға көңілді кеш ұйымдастырылды
Әлеуметтік қызметтер порталы іске қосылады
Мүгедек жандар өнерлерін паш етті
Көктемгі су тасқынына әзірлік
Петропавлда шағын саябақ пайда болды
“Үздік техникалық жобалар” байқауының облыстық кезеңі өтті
СҚО-да цифрландыру күндері өтіп жатыр
Петропавлда хакатон өткізілді
Петропавл тұрғыны жұмбақ жағдайларда қаза тапты
Биыл М.Жұмабаев ауданына 60-тан астам отбасы қоныс аударған
Петропавлда “Покровский перезвон” фестивалі өтті