Театрдың кішкентай көрермендеріне жақсы таныс бұл спектакль сахна төрінде 2010 жылдан бері қойылып келеді. Тәрбиелік мәні мен мағынасы мол ертегі, кішкентай “Гав” есімді мысық жайында. Оны театрдың 4 актеры сомдап отыр. “Гав” есімді мысықтың досы бар. Яғни, мына күшік. Ол өзінің атын ұмытып қалады. Сөйтіп қиналып жүрген шақта доп қуған балалар- оны Шарик деп шақырады. Осылайша күшік өз атын есіне түсіреді. Бұл ертегі осы сахнада талай сомдалса да, кішкентай көрермендер “Гав” есімді мысықты тамашалаудан жалыққан емес. Сондықтан да театр ұжымы 23-ші маусымды Григорий Остордың пьессасымен аяқтауды жөн санапты.
“Гав” есімді мысық жайындағы қойылым театрдың кішкентай көрермендерінің көңілінен шықты. Осы маусымда театр ұжымы 20-ға тарта қойылымды сахналаған. Ал 24-ші маусымының шымылдығы күзде ашылмақ.
Бану Ахметова