Жарыста облыстың намысын қорғаған көркем гимнасшылар жақсы нәтижеге қол жеткізе білді. Сөйтіп қыздар арасында өз разрядында өнер көрсеткен спорт шеберіне үміткер Екатерина Ерехинская, Альфия Мамашарипова бас жүлдені жеңіп алса, екінші орынды Кристина Тюканько иемденді. Үздік үштікті Сания Мұқашева тұйықтады. Ал, ұлдар арасында Дамир Мусин мен Роман Олейник қоладан алқа тағынды.