Қалалық полиция қызметкелері әр бейсенбі сайын ІІД алаңын, сондай-ақ өздеріне бекітілген қала аумағын жинастыруға шығады. Олар гүлзарларды жаңартып, қоршаулар мен бордюрларды әктеп, қоқыстарды шығарумен айналысады. Ұсақ-түйек заң бұзушылықтарды тіркей отыра, полицейлер айналаны ластау фактілеріне де назар аударады. Қаланы санитарлық тазалау үшайлығы кезінде тәртіп сақшылары «Таза қала» акциясын өткізген болатын. Бұл кезеңде жеке кәсіпкерлермен заңды тұлғаларға ескертулер таратылған. Өздеріне тиесілі аумақты тазалауға қатысты 135 тұлғамен әңгіме жүргізілді. Саябақ және демалыс орындарын ластауға қатысты 9 заңбұзушы анықталып, кінәлілер әкімшілік жауапқа тартылды.
Біржан Қойшыбаев