Қазақстан мұсылмандары діни басқармасының өкілі Жолдас қажы Қоспақұлы жазасын өтеп жатқан азаматтарға теріс пиғылдағы ағымдардың залалы туралы әңгімелеп, өмір құндылықтары жайлы баяндады. Имамның айтуынша, тура жолдан тайғандарға дұрыс бағыт-бағдар көрсету қажет. Өйткені, олардың арасында қателігін түсініп, түзелуге тырысатындары да бар. 27 жастағы Асхат Тұрқұмбаев та осында. Ол кезінде кері діни ағымға ілігіп, енді, 7 жылдық жазасын өтеп жатыр. Асхат шалыс басқанымды түсіндім дейді. Ол кейін бостандыққа шыққанда қайырымдылықпен айналысқылы келетінін айтты. Аталаған шара Қазақстан мұсылмандары діни басқармасы өкілдерінің бастамасымен ұйымдастырылды.
Гүлбану Ахметова