Оларға ұсынылған бағдарлама ауқымды. Сәйгүліктердің кедергілерден өтуі ұсынылып, түрлі ойындар мен мастер-кластар өткізілді. Жылқыларды жалға алып, бірнеше айналым жасау мүмкіндігі де берілді.
Жанат Елеусізов, СҚО балалар мен жасөспірімдер спорт мектептерінің оқу-әдістемелік орталығының директоры:
– Жуырда «Жеңіс» балалар-жасөспірімдер спорт мектебінде 5 сайыс бөлімшесі ашылды. Үйірмелердің бірі – конкур. Ол атпен кедергілерден өту. Іс-шара арқылы балаларды ат спортына тартпақпыз.
Осыдан 5 жыл бұрын облысымызда ат спорты түрлерінен балалар-жасөспірімдер спорт мектебі өз жұмысын бастады. Қазіргі таңда мұнда 100-ден астам жасөспірім ежелден келе жатқан дәстүр бойынша аттарды баптап, күтуге үйренуде. Түрлі жарыстардан да құр қол қайтпайды.
Нұрлан Сапаров, ат спорты түрлері балалар-жасөспірімдер спорт мектебінің тәрбиеленушісі:
– Мен ат спортымен 3 жыл айналысамын. «Сынок» деген ат. Бүгін парадта жүреміз.
Ат құлағында ойнайтын өз құрдастарын көрген балалар да фестивальден ерекше әсер алды.
– Маған өте ұнады. Аттар әдемі.
– Аттардың кедергілерді бағындыруы көңілімнен шықты. Өте қызықты болды.
Ат спорты қызықты, әрі тартымды. Сонымен қатар денсаулыққа да пайдасы зор дейді ұйымдастырушылар.
Инеш Шоқақова