Өңірлік жарысқа 13 команда жиналды. Баптары мен бақтарын сынаушылардың қатарында Айыртау ауданының спортшылары да бар. Данияр Құрманбаев облыстық спартакиадаға алғаш рет қатысып отыр. Тәжірибесі мол, себебі коньки тебумен шұғылданып жүргеніне 4 жылдың болыпты.
Данияр Құрманбаев, жарысқа қатысушы, Айыртау ауданы:
– Конькиден қатысуға бірінші рет келдім. Енді бірінші орынға күресемін. Маған спорттың бұл түрі ұнайды. Бұдан басқа футбол, волейболмен айналысамын.
Тартысты додаға жас ерекшеліктеріне байланысты 3 топқа бөлінген 150 спортшы қатысуда. Жарыс жолына шыққандар 500-1000 метрлік қашықтықты бағындыруы тиіс. Мәре сызығын алғаш болып кесуден үмітті спортшылардың қатары қалың.
Тұрлыбек Қалижанов, аймақтық дене шынықтыру және спорт орталығының бас инспекторы:
–Аталған шара «Ақшақар» бағдарламасына сәйкес конькиден облыстық жарыс. Ауданнан 12 және қаладан 1 команда қатысып отыр.
Коньки тебуден облыстық жарыс 2 күнге жалғаспақ. Тартысты додада жеңімпаз атанғандар республика көлемінде өңір намысын қорғайды. Байрақты дода Астана қаласында ақпан айында өтеді деп жоспарланған.
Гүлбану Ахметова