Бірден оқиға орнына аудандық арнайы қызмет бөлімшелерінің қызметкерлері жеткен. Мектептен 316 адам қауіпсіз жерге шығарылыпты. Дәл осы күні білім ошағында пән олимпиадалары өткізілсе керек. Сағат түскі 2 жарымда құтқарушылар мәліметтің жалған екендігін хабарлады. Жарылғыш құрал да, күдікті заттар да табылмаған. Ал жалған хабар берген Хлеборобное селосының 9 сынып оқушысы болып шықты. Ол өз қателігін мойындап отыр. Әзілкеш оқушыға қатысты ҚР ҚК 242-бабы бойынша қылмыстық іс қозғалды. Мұндай жағдайда әдетте, аса ірі көлемдегі айыппұл немесе 2 жылға дейін бас бостандығынан айыру жазасы қолданылады. Полицейлер мұндай келеңсіздікті болдырмау үшін ата-аналар мен мұғалімдер балалармен жұмыс істеуі керек деп отыр.
Инеш Шоқақова