Аймақтық тұрақтандыру қорын қалыптастыру

Аптадағы маңызды жаңалықтар

14:30 30 Қазан 2012

Күн тәртібінде екі мәселе көтерілді. Біріншісі – “Азық-түлік келісім шарт корпорациясы» ҰК» АҚ-на әлеуметтік-кәсіпкерлік корпорациялардың қарызды қайтаруы. Бұл ұйымдар ақшаны аймақтық тұрақтандыру қорын азық-түлікпен толтыру үшін алған болатын. Өткен жылдан бастап 16 әлеуметтік-кәсіпкерлік корпорация 17 млрд теңгеге қаржыландырылыпты. Енді берешекті қарашаның 1-не дейін қайтарулары қажет. Әзірге, бюджеттік қаражаттың 9 млрд-ы қайтарылған.

Солтүстік Қазақстан облысы 2011 жылы 1 млрд 123 млн теңге алған екен. “Солтүстік” әлеуметтік-кәсіпкерлік корпорациясы бюджетке соның 609 млн теңгесін беріпті. Өңір жетекшісі Үкіметтен қарызды қайтару уақытын сәл шегере тұруды сұрады.

Серік Біләлов, СҚО әкімі:

Қарыздың көлемі – 545 млн теңге. Ол тұрақтандыру қорындағы тауарларды жүзеге асырған жағдайда жабылады. Біз қазір тұрақтандыру қорына әлеуметтік маңызды деген 8 тауар түрінің 4 мың тоннасын салған болатынбыз. Енді, 3 640 тоннасы қалды. Борышты жабудың уақытын ұзартсаңыздар.

Екінші мәселе – мемлекеттік астық қорын қалыптастыру. Осы орайда Солтүстік Қазақстан облысы шаруалардан бидайдың 60 мың тоннасын сатып алуы керек. Серік Біләлов желтоқсанның 1-не дейін жоспар толығымен жүзеге асатынын айтты. Республикалық селектордан соң Серік Біләлов аудан әкімдеріне тапсырма берді.

Серік Біләлов, СҚО әкімі:

– Өңірде бидай мен ұнның мол қорын сақтап отыратын ірі диірмендер мен тауарөндірушілер бар. Егер кейбір жерлерде бағаның көтерілгені байқалған жағдайда бірден тұрақтандыру бойынша әрекет жасаңыздар. Сондай-ақ, мемлекеттік астық қорын толтыру бойынша да жұмысты жылдамдату қажет.

Данаш Хамзина

Бұдан әрі оқыңыз

Облыс әкімдігінің кезекті отырысы өтті
9 Мамыр күніне арналған шығарылым
Ақжар ауданында ашық әкімдік жұмысын бастады
Өңір шаруалары егіс науқанына дайын
Вирус жұқтырғандардың саны 51-ге жетті
Мониторингілік топтар тексерістерді бастап кетті
Қ.Тоқаев митингілер туралы заңға қол қойды
Санитарлық талаптар сақталмаған нысандар жабылуы мүмкін
Коронавирустың салдарымен күрес
Облыстық әкімдік отырысы
Өңірде егіс науқаны қызу жүріп жатыр
Облыс әкімі өндіріс ошақтарын аралады