Өңірдегі татар-башқұрттардың “Дуслык” орталығы 1989 жылдан бастап жұмыс істейді. Бүгінде бұл мәдени бірлестікке тұрақты түрде жүзден аса адам келіп тұрады. Солардың арасында ең жиі келетіні – аға толқын өкілдері екен.
Наиль Салимов, “Дуслык” татар-башқұрт орталығының басқарма төрағасы:
–Ардагерлер – біздің ең құрметті қонақтарымыз. Бүгін үш бірдей мерейтой иелерін құттықтағалы отырмыз. Олар жастарының егделігіне қарамастан орталыққа жиі келіп, жастарды тәрбиелеуге жалықпайды.
Талига Идрисова – бірлестік жұмысының басы-қасында жүретін адам. Орталықта 86 жастағы ақ жаулықты ана жастарға ұлттық тағамдар мен әдет-ғұрыпты үйретеді екен.
Талига Идрисова:
– Сабантойларға барамыз, ән тыңдап, би билейміз. Әйтеуір, уақытымызды тамаша өткіземіз. Өзім Петропавл қаласында туып-өстім. Немерелерімді татар халқының салт-дәстүрімен өсірдім.
Ардагерлер құрметіне татар-башқұрт орталығының мүшелері мерекелік концерт әзірлепті. Бұдан кейін ардагерлер тәтті-дәмдіге толы дастарханға шақырылды.
Данаш Хамзина