Негізгі жұмыс “Норд жолдары” серіктестігінің мойнында, тағы екі кәсіпорын қосалқы мердігер ретінде көмектесіп жатыр. Қыркүйектің басынан ауқымды іс атқарылыпты.
Василий Семеновых, “Норд жолдары” ЖШС шебері:
– Топырақтың жартысын сыртқа шығардық. Ең алдымен жерді тығыздап аламыз. Сосын үстіне ірі және ұсақ қиыршық тас төсеп, битум құямыз. Соңынан асфальт төсейміз.
Мұндай тығыздалып жасалған жол шамамен 3 жыл бойы нығыз қызмет етеді дейді мамандар. Барлығы Абай атындағы көшеден бастап Набережная көшесін қоса есептегенде 4 шақырымы жаңартылған.
Артем Погосян, “Норд жолдары” ЖШС директоры:
– Жұмысқа 45 адам және 40 шақты техника жұмылдырылды. Асфальт төсеуді қазанның 20-сына қарай аяқтаймыз, содан кейін көше жиегін ретке келтірумен айналысамыз.
Жөндеу жұмыстарына республикалық бюджеттен 319 млн теңге бөлінген екен.
Данаш Хамзина