Еліміздің түкпір-түкпірінен келген велошабандоздар Архангелька трассасында сап түзеді. Жерлесіміз Богдан Гапотченко бұл спорт түрімен 5 жыл айналысып келеді. Осы аралықта жеткен жетістектері де қуантарлық. Ол – бірнеше республикалық, халықаралық жарыстардың жеңімпазы. Велосипед жарысынан спорт шеберіне үміткер аталмыш сында намысты қолдан бермей, жеңіс тұғырынан көрінуге тырысамыз дейді.
Богдан Гапотченко, велошабандоз, Петропавл қаласы: – Осы жарыста үздік үштік тұғырынан көріну. Алдағы уақытта Александр Винокуров сияқты, білікті спортшы атанып, “Тур-де-Франсқа” қатысқым келеді.
Виталий Зверев Павлодар қаласының намысын қорғауда. 15 жасар жеткіншек велосипед спортымен 5 жыл бұрын шұғылдана бастаған екен.
Виталий Зверев, велошабандоз, Павлодар қаласы:
-Бұл спартакиадаға соңғы рет қатысуымыз, бұдан кейін жоғары топқа көшеміз. Сондықтан жақсы нәтиже көрсетуге тырысамыз.
Дүбірлі доданың жарыс жолына республикамыздың 6 қаласынан 36 спортшы шықты. Бүгін бірі берілген арақашықты бағындырып жатса, екіншілері арнайы құрылғыда жаттығуда.
Виктор Потапов, жарыстың бас төрешісі:
– Велошабандоздар Новокаменка селосынан Красный Октярбьге дейінгі арақашықты жүріп өтулері тиіс. Барлығы 25 км-ді бағындырулары керек. Бүгінгі жарысты мықтылар анықталатын болады. Барлық команданың дайындығы жоғары деңгейде.
Алда спортшылар үшін командалық жүріп өту сынағы тұр. Ал шілде айының 15-ші жұлдызы велошабандоздар жарыстың критериум түрі бойынша өзара мықтыларды анықтамақ.
Әсел Күшенғалиева