Астанада индустриалдық форум өтті

Бизнес және экономика

15:47 3 Шілде 2012

Бағдарламаны талқылауға Елбасы Нұрсұлтан Назарбаев қатысты. Елбасымен тікелей байланысқа әр өңірдің басшылары, солардың қатарында СҚО әкімі Серік Біләлов те шықты.  Онлайн-режимде ел өңірлерінде 6 жаңа нысан халық игілігіне тапсырылып, 4 жобаның құрылысына бастама берілді. Индустриаландыру картасы аясында республикада 2 жыл ішінде 1,8 триллион теңгені құрайтын 389 жоба жүзеге асырылған. Ал Солтүстік Қазақстан облысында 42 миллиард теңгені құрайтын 30 жоба жүзеге іске аспақ. Биылғы жылдың өзінде 7 миллиард теңгенің 6 жобасы іске қосылады. Форумда сандық телерадиотарату мәселесіне ерекше назар аударылды. «Otau-tv»-ге қажетті приставкалар жергілікті Киров зауытында жасалады. Бүгінде бұл жүйеде 150 мың абонент бар. Шалғайда орналасқан ауылдардың тұрғындары бұдан былай 5 арнаның орнына 30 республикалық каналды көре алады. Форум соңында Елбасы еліміз үшін маңызды бірқатар міндеттерді айқындады.

Әспет Әбдірешова