Көрші елде 30 күн тіркеусіз жүруге болады

Қоғам

7:25 20 Маусым 2012

Бұған дейін Қазақстан азаматтарының Ресейде тіркеусіз 7 күнге дейін ғана қалуға мүмкіншілігі болған. Маусымның 7-нен бастап аталған мерзім 30 күнге ұзарды. Енді азаматтар алаңдамай бір ай көлемінде емін-еркін жүріп, шаруаларын бітіре алады. Бұл жаңашылдық ресейліктерге де қатысты.

Есенгелді Құлмағамбетов, СҚО ІІД көші-қон полициясы басқармасының бастығы:

– Егер азамат шетелде тағы да қалғысы келсе, белгіленген 30 күннен асырмай, қосымша 2 ай ала алады, сосын тағы да 3 айға ұзартуға мүмкіндігі бар. Ал, заңды бұзған жағдайда әкімшілік жауапқа тартылып, 10 айлық есептік көрсеткіш көлемінде айыппұл салынады.

Екі ел арасындағы келісім өз күшіне енгелі көші-қон полициясының жұмысы айтарлықтай жеңілдепті. Әйтпесе, рәсімдеу барысында дәліз толы адам болатын дейді полицейлер.
Андрей Захаров шетелге жиі шығады. Әсіресе, Ресейде туыстары көп екен. Көші-қон басқармасында тіркелмей-ақ жүре беру ол үшін күтпеген қуанышты жаңалық.

Андрей Захаров:

– Бұл бір тамаша өзгеріс болды. Өте ыңғайлы. Ұзақ қағаз жұмысымен бас қатушы еді. Енді  уақыт үнемделеді.

Бұл жаңашылдық өзге солтүстікқазақстандықтарды да қуантты.

– Ресейге шығуға есепке тұру үшін менің екі күнім босқа кететін. Келешекте ұзын-сонар кезекке тұрудың қажеті жоқ.
-Ресейге демалуға жиі барамын. Осылай жасалғаны дұрыс деп ойлаймын.

Данаш Хамзина

Бұдан әрі оқыңыз

Жергілікті кәсіпорын күніне 6 мың данаға жуық маска тігеді
Подъездерін дезинфекцияламаған тұрғындар жауапкершілікке тартылады
Зейнетақы мен жәрдемақы үйге жеткізіледі
Петропавлда іскер әйелдер бас қосты
Сенная базаның су астында қалу қаупі бар
Маскалар тегін таратылуда
Петропавлда суағарлар тазартылып жатыр
Халықаралық педагогикалық байқаудың қорытындысы
Өңірде жылыту маусымы қашан аяқталады
22 наурыз — Ұлыстың ұлы күні
Өңірде 300-ден астам эвакуациялық пункт дайын тұр
Жыл басынан бері 16 парақорлық фактісі тіркелген