ҰБТ ережелеріне өзгертулер енгізілді

Білім

14:17 14 Наурыз 2012

Биыл ҰБТ тапсыру мерзімі маусымның 1-і мен 15-і аралығына бекітілген. Мектеп түлектері үшін ең бастысы – емтихандағы сұрақтар мен пәндердің саны және тестілеу уақыты өзгертілмеген. Негізінен жаңашылдықтар ұйымдастыру үрдісіне қатысты. Бұл оқушылардың нақты білім деңгейін анықтау үшін жасалып отыр.

Балшекер Бақтыбаева, облыстық білім басқармасының бас маманы:
– Әрбір пунктте бейнебақылау орнатылады, ұялы байланысты бәсеңдеткіштер мен металліздегіштер қойылады. Әрбір аудиторияда министрлік өкілдері болуы тиіс.  Биылғы жылы ұлттық ЖОО-на өту үшін 70, ал қалғандарына орташа 60 балл жинау тиіс.

Өткен жылы ҰБТ-дегі облыс түлектерінің орташа көрсеткіші – 87,86 ұпайды құраған. «Алтын белгіге» үміткер  109 түлектің 71-і өз білімдерін дәлелдеді. Биыл облысымыздағы білім ошақтарынан 5 мыңнан астам түлек қанат қақпақ. Олардың дені ҰБТ тапсыруға ниет білдіріпті.

Балшекер Бақтыбаева, облыстық білім басқармасының бас маманы:
Өтініштер наурыздың  10-нан сәуірдің  25-не дейін қабылданады. Былтырғы жылы қатысушылардың саны 68 пайызды құрады. Бұл республика бойынша ең төменгі көрсеткіш болды. Биыл 72 пайыз.

Түлектер әдеттегідей облыс бойынша бекітілген 8 пунктте сынақ тапсыратын болады. Оның біреуі облыс орталығында орналасқан. Онда Петропавл қаласы мен Қызылжар, Аққайың, Мамлют аудандарының оқушылары өздерінің 11 жыл бойы оқып – түйгендерін сарапқа салмақ. Осы жауапты сыннан сүрінбей өту үшін өз білімдерін шыңдауға түлектерге 3 айдай ғана уақыт қалды.

Инеш Шоқақова

Бұдан әрі оқыңыз

Мемлекеттік қызметке орналасушы үміткерлер үшін “қазтесттің” жаңа жүйесі жасалды
Бірінші сыныпқа құжаттарды қабылдау мерзімі ұзартылды
Қызылжар ауданындағы 34 мектепке бейнекамералар орнатылады
Жас Өркендегі жаңа мектептің құрылысы аяқталуда
Биыл мектептерде алғашқы қоңырау сыңғырламайды
Бірінші тоқсанда оқушылар қалай оқиды