Тонаушы көп ұзамай қолға түсті

Құқық қорғау органдары

15:24 9 Қаңтар 2012

Полицияға 22 жасар бойжеткеннен арыз түскен. Оның айтуынша, түнгі сағат бір шамасында Сейфуллин және Алтынсарин көшелерінің қиылысында белгісіз бір адам оның сөмкесін тартып алып, қашып кеткен. Жәбірленуші ұялы телефонынан бірден 102 номері арқылы тәртіп сақшыларына хабарласқан. Қылмыс жайындағы ақпарат түскеннен кейін жедел басқару орталығы бірден барлық жаяу және автопатрульдерге хабар жіберіпті. Тонаушының 20 жас шамасында және үстінде қара куртка мен ақ түсті бас киімі болғандығы анықталған. Жедел басқару орталығының қызметкерлері оқиға болған ауданда орналасқан бейнебақылау камераларына мұқият тексеру жүргізді.

Саят Ибраев, СҚО ІІД жедел басқару орталығының кезекші аға инспекторы:

-Мир-Мүсірепов көшелерінің қиылысында орналасқан бейнекамера арқылы біз күдіктіге ұқсас жігітті байқадық. Ол жақын жердегі үйдін ауласына кіріп кетті. Сол жерге бірден «Сұңқар» автопатрульі жіберілді.

Қылмыс жасаған жігіт үй ауласында ұсталды. Мас күйінде болған ол жасаған қылмысын бірден мойындаған. Ал оқиға орнына жеткен жәбірленуші қылмыскерді бірден таныды. Тергеу барысында айыпталушы сөмкені қылмыс орнынан алыс емес жерде лақтырып жібергенін айтқан. Ұрланған зат айтылған жерден табылып, иесіне қайтарылды. Қазіргі уақытт аталған факті бойынша қылмыстық іс қозғалып, тергеу жүргізілуде. Күдікті ешқайда кетпеу туралы қолхатпен жіберілді.

Әспет Әбдірешова

Бұдан әрі оқыңыз

Қоршаған ортаны қорғау заңнамасы 153 мәрте бұзылған
Велосипедшілерге ережелер түсіндірілуде
Жемқорлыққа жол жоқ
Атты полицейлер саяжай учаскесінде мас бұзақыны ұстады
Скутер тізгіндегендер тексерілді
2 мыңнан астам жерлесіміз жолда жүру ережесін бұзған
Өңірде сыбайлас жемқорлық фактілері тіркелді
Мамлют ауданының тұрғынынан 200 литр ішімдік тәркіленді
“Газель” автокөлігі “Джон дир” тракторына соғылды
Қос велосипедті ұрлап, сатып жіберген
“Ақылды” бағдаршамдардың пайдасы
Қару-жарақ пен оқ-дәрі қабылдау акциясы басталды