Тәуелсіздіктің 20 жылдық мерекесі қарсаңында ұйымдастырылған жарыс екі күн қатарынан өтті. Осы уақыт аралығында құрамалар бірнеше кездесу өткізді. Ақтық сында жергілікті «Барс» пен омбылық «Автомекс» жолықты. Қонақтар 3/2 есебімен жеңіске жетті.
Виктор Сербин, «Автомекс» құрамасының жаттықтырушысы, Омбы қаласы:
-Команданың дайындығы жақсы. Себебі осы жарысқа жиі қатысып тұрғандықтан, қарсыластарымыздың дайындық деңгейі мықты. Кездесулер қиын болғанмен, жеңісті қолдан бермедік.
Жалпы жарысқа 8 команда қатысты. Олардың арасында 4 жергілікті, Рудный, Омбы, Қорған және бір легионерлік құрама бар. Ойындар нәтижесінде Рудный қаласының «Аят» құрамасы үштікті түйіндеді, «Барс» екінші орыннан көрінсе, Омбылық құрама бірінші орынға табан тіреді. Жарыста сондай – ақ жақсы ойын көрсеткен спортшылар да сыйлықтармен марапатталды.
Жандос Наурызбаев